Kayat tayo amin a dagiti maladaga tayo ket dumakkel a naragsak ken nasalun-at - ken saan unay a napartas. Ngem ti panagdakkel ket mapasamak nga al-alisto ngem ti panagkuna tayo. Ti siensya ti utek ipakitana a dagiti umuna a lima a tawen ti biag ti ubing ket mangipasdek iti pundasyon para iti entero a masakbayanna.
Manipud pannakayyanak aginggana iti tawen a lima, ti utek ti ubing ket ad-adu ken naparpartak ti panagdakkelna no idasig iti sabali a tukad ti biagna. Impakita ti siensya a ti kalidad dagiti mapadasan ti ubing kadagiti umuna a sumagmano a tawen ti biagna - nasayaat wenno dakes - ket tumulong a mangikeddeng iti panagdakkel ti utekna. Dagitoy nga padas ket addaan iti nabayag nga epekto iti salun-atna ken kabaelanna nga agsursuro ken agballigi iti eskwela ken biag.
Iti First 5 Hawaiʻi, dedikado kami a mangted kadagiti pamilya dagiti impormasyon, alikamen, ken rekurso a mangsuporta iti nasalun-at a panag-develop ken panagsursuro ti ubbing manipud pannakayyanak agingga iti lima a tawen. Mamati kami a babaen ti panagpabilegmi kadagiti nagannak ken agay-aywan babaen ti panangted kadagiti umno a rekurso, makatulong kami a mangted iti amin nga ubbing iti Hawai'i iti kapintasan a rugi ti biagda.
