Aktibidades a Mayannatup iti Edad
Bayat nga dumakdakkel dagiti ubbing, tumaud dagiti baro a paglaingan ken interesda. Ti pannakidenna kadakuada ket mangted iti gundaway tapno makatakuatda kadagiti baro a pagpadasan. Manipud iti edad a sero aginggana iti lima a tawen, ti panagay-ayam iti balay ken iti preschool, ikkanna dagiti ubbing iti napintas a pangrugianan para iti masakbayan a panagsursuroda, panagtanorda a sosyal ken emosyonal, ken salun-atda.
Nagaramidkami iti sumagmamano nga idea para aktibidades a mayannatup iti edad a mangtulong iti anakmo a dumakkel ken mangted kenkuana iti naragsak a pamuspusan nga agsursuro.
Tumulong ti simple a panagay-ayam iti panagdakkel dagiti maladaga! Dagitoy nga aktibidad ket tulunganda ida nga agtignay, makidinnungngo kenka, ken makasursuro babaen dagiti sentidoda. Agraman ditoy ti panagpakleb, suabe a musika, ken dagiti abal-balay.
Dagiti ubbing nga agarda-ardang pay laeng ti pagnada ket makasursuro babaen ti panagay-ayam! Dagitoy aktibidad a naragsak sursuruanda ida nga agsarita, usaren dagiti imada, ken makiay-ayam. Agraman ditoy ti panangbunton kadagiti bloke, panagkanta, ken ay-ayam a panagakem.
Iti kastoy nga edad, dagiti ubbing nga agsursuro pay laeng a magna ket napnuan regta ken kuriosidad! Dagitoy aktibidad a nalaka ket tumulong a mangpatibker kadagiti laingda iti panagsao, panagtignay, ken sanayenda ida a maki-ay-ayam kadagiti gagayyem.
Dagiti ubbing a madi pay agbasa ket kaay-ayoda ti agpalutpot ken agaramid iti bambanag! Dagitoy naragsak nga aktibidad tumulong iti panagsarita, panagpanunot, ken pannikay-ayam. Agraman ditoy dagiti puzzle, istorya nga addaan munyeka nga aggaraw ken agsao, ken pannagna iti naturalesa.
Agsagana dagiti ubbing a mapan agbasa babaen ti panagsursuro iti ay-ayam! Padasem dagiti naragsak nga aktibidad a tumulong iti panagsarita, panagpanunot, ken panaggaraw. Agraman ditoy dagiti eksperimento iti siensya, panagistorya, ken ay-ayam kadagiti letra.
Para iti ad-adu nga impormasion kadagiti developmental milestones, bisitaen ti CDC’s Developmental Milestones
