Aktibidades a Mayannatup iti Edad: 2-3 a Tawen
Dagiti Rumbeng a Masursuro:
- Panagsao (Language Development)
- Panaggaraw dagiti dadakkel ken babassit a masel (Gross and fine motor skills)
- Panagsurot iti direksyon
- Ay-ayam nga agusar iti imahinasyon
- Panagsursuro maipanggep kadagiti emosyon ken gagayyem (Social and emotion skills)"
Dagiti Idea para Aktibidades
Dagiti dadakkel a puzzle ket tulunganda ti anakmo nga agsursuro iti panagrisut kadagiti problema ken papintasen ti koordinasyon dagiti ima ken mata na.
Tuladem ti uni ti animal ket ipasungbatmo iti ubing nga agar-ardang a magna no ania nga ayup daydiay, wenno patuladmo kenkuana daydiay uni. Tumulong daytoy kenkuana nga agsao ken dumngeg.
Palubusam ti anakmo nga agibuyat, agtako, ken agsayyo iti danum, nga agusar iti tasa ken timba. Naimbag daytoy para iti ay-ayam iti sentido, ken panagusar kadagiti babassit a masel ti imana.
Itudom dagiti banag iti uneg wenno ruar ti balay ket sawem ti nagnaganda. Sursuruanna ti ubing iti baro a balikas.
Paglalasinem dagiti ay-ayam wenno bloke iti grupo-grupo sigun ti kolor, kadakkel, wenno langa. Tumulong daytoy a mangisuro iti nasapa a paglaingan iti matematika.
Agpatugtogka iti kanta a naparagsit ken maka-ayat ket ibagam iti anakmo nga agkumpas ken agsala. Makatulong daytoy iti koordinasyon ken panangkumpas iti musika.
Tumulong ti simple a panagay-ayam iti panagdakkel dagiti maladaga! Dagitoy nga aktibidad ket tulunganda ida nga agtignay, makidinnungngo kenka, ken makasursuro babaen dagiti sentidoda. Agraman ditoy ti panagpakleb, suabe a musika, ken dagiti abal-balay.
Dagiti ubbing nga agarda-ardang pay laeng ti pagnada ket makasursuro babaen ti panagay-ayam! Dagitoy aktibidad a naragsak sursuruanda ida nga agsarita, usaren dagiti imada, ken makiay-ayam. Agraman ditoy ti panangbunton kadagiti bloke, panagkanta, ken ay-ayam a panagakem.
Iti kastoy nga edad, dagiti ubbing nga agsursuro pay laeng a magna ket napnuan regta ken kuriosidad! Dagitoy aktibidad a nalaka ket tumulong a mangpatibker kadagiti laingda iti panagsao, panagtignay, ken sanayenda ida a maki-ay-ayam kadagiti gagayyem.
Dagiti ubbing a madi pay agbasa ket kaay-ayoda ti agpalutpot ken agaramid iti bambanag! Dagitoy naragsak nga aktibidad tumulong iti panagsarita, panagpanunot, ken pannikay-ayam. Agraman ditoy dagiti puzzle, istorya nga addaan munyeka nga aggaraw ken agsao, ken pannagna iti naturalesa.
Agsagana dagiti ubbing a mapan agbasa babaen ti panagsursuro iti ay-ayam! Padasem dagiti naragsak nga aktibidad a tumulong iti panagsarita, panagpanunot, ken panaggaraw. Agraman ditoy dagiti eksperimento iti siensya, panagistorya, ken ay-ayam kadagiti letra.
Para iti ad-adu nga impormasion kadagiti developmental milestones, bisitaen ti CDC’s Developmental Milestones